صاحب السمو الشيخ زايد بن سلطان آل نهيان شاعر فذ رسم بشعره صورة جلية لوجدانه، فإذا بسموه يعكس ما يعتمل في نفسه من آفاق إنسانية وجدائل حب صادقة تعبر عن الأصالة وعن نبض المعاني السامية من خلال ملكة شعرية دافقة تُنبي عن مكانه تضاهي شعراء عصره.
فهو ينطلق باتجاه الهدف مباشرة، ولا يميل إلى الغموض أو التعمية، لأن مثله العليا وشيمه النبيلة وقيمهُ التي ينطلق منها تدفعه ـ وبثقة ـ إلى ولوج موضوعاته بقوة ودراية وجرأة.
وبالرغم من أن سموه مقل في كتابة الشعر بسبب انشغالاته بأمور شعبه وقيادة الدولة إلا أن ما كتبه يكفي لكي نطلق على سموه اسم شاعر. لأن شعراء معروفين في سفر أدبنا العربي والآداب العالمية اشتهروا بقصيدة واحدة، واكتسبوا لقب شاعر بجدارة. وصاحب السمو الشيخ زايد شاعر من قصيدة وشاعر من ديوان. وأي شاعر! إنه الشاعر المجيد الذي يستطيع أن يرتجل إن اضطر إلى ذلك. وقد حدث ذلك كثيرا.
ويتطلع سموه في شعره إلى العالم بعين الوعي، وإلى الإنسان بعين الحب وإلى الحياة بعين التفاؤل، وإلى المصاعب بعين الإرادة، فخيوط الفجر تزرقه بروح الانطلاق نحو فضاءات رحيبة صادقة لحمتها المحبة وسداها النزوع الإنساني الثر.
وأعترف أن الكلام عن سموه وشعره مثل هذا الكلام لا يعطيه حقه ولا يفي بالغرض المطلوب، لأن الحديث عن معانيه، وعن امتلاكه لناصية اللغة والتعبير، وعن شاعر يته، وعن صدق عاطفته يحتاج إلى كتاب..

 

هِـبوب الوَرد والفِلّي

 

 
 
يا هِبوب الوَرد والفِلّي .... مِطْلِعٍ قاصِد مـن اديَـاري
 
مرحِبَا بِك عَدّ ما أِنْهَلِّي .... مِالسِّحِب غَيثٍ او ما ياري
 
او مَرحَبِا مَليون بالخِلّي .... الغِضي لي لِه انـا  داري
 
لَي حِديثِه إلْيِه ايسلّي .... اوْ مِنْ أَشُوْفَه إتزول  لكْداري
 
هُوْ دِوَا لنَّفْس مِ العِلّي .... هَوحِياتي او جَنّتي أو  ناري
 
الوِزير إيصيح ويهِلّي .... دَمعْ عينه سايِلْ أو  iيـاري
 
يِشتِكي من كامِل الدِّلّي .... من وليفهِ لَي خِفى أوْ ذَارِي
 
عابرٍ في مِحْمَلْ إْبشَلّيِ .... خَاطِـفْ اّبنـاي وِيْمَـاري
 
سَنِّةٍ وِاْشَراعَه إِمَّلِّي .... موُيتـه فـي بْـردِه إتبـاري
 
يالخِويْ كانِك تِبيَ اَلْخِلّيَ .... جَـرِّب البَنّـايْ للجَـاري
 
واقْصِد اْلَمضنُون وإدَّلّي .... خَابِرنّكِ فَطِنْ في  الـدّاري
 
اوْلَيْ شَراتِك نَبْه ما إيْزِلّي .... لو ظَلامْ اللَّيْل  غَـدَّاري
 
لَي لَفَيتِه زاهِي الحِلّي .... لي ايْرَحِّبْ لَيْـل  وِانْهَـارِي
 
با يْرَحِّبْ بِك او بَيهَلِّي .... با إتحِسّْ ابْرَاحَـتْ أفكـارِي
 
مِثل ما انْتِه كِنت مِعْتَلّي .... بِه وِزا مِنِّك اُوْلُوْ ايْـدَاري
 
فَرْحِتِك با تَفِرِحْ اْلَكِلّي .... بينِكُمَ يَـا مَانِـع أسْـرارايِ 
 

حَيِّ بُجوابٍ رايع

 

 
 
حيّ بْجوابٍ مِنْك رايع.... يا ذا الخوي لَيْ لك معي قَـدّ
 
شاعِرْ أوجيلك به نوايع.... في اْلفَنّْ مالِكْ عندنـا حَـدّ
 
واللّي شرات الْفِلّْ فايع.... تِكْبَر فَرِحْتِـه يـومْ  بَتْـرِدّ
 
غِضّ الِصّبا حلو الِشّوايع.... ياضي شَرى القنديل وازْيَدْ
 
ما تْلام لَيْ لِهْ صِرْت طايع.... إكْتِمْ وداده واحْفِظ السّـدّْ
 
حِظَيتْ به زين الطّبايع؟.... عسَاك في لاَمَـاهْ  تِسْعَـدْ
 
ساير مَعَا ذَرْب الرّوايع.... وِقْرومٍ إلْهُـمْ نَـبّْ  مِبْعِـد
 
لي صَيْتِهُمْ بّيِنْ أوذايع.... والنّاس كِلْهَا لْهُـمْ  بتشهـد
 
الحبّ في كِلّْ الشّرايع.... منصوصْ بـه ذِكـرٍ امْوكَّـد
 
والنّاس له شاري أوبايع.... وحٍَدّ صِدِيْر أو حَدّْ  يُـورِد
 
واللّي غدا مِبْعِدْ أونايع.... الشّوق بـه مَلْـزُومْ يِشَتَـدّ
 

 

 

يعِلك له الكسْباني

 

 
 
حَيّ ابجِوابٍ يَاني... مِنَ مَشغـوبٍ سِليـبْ
 
 
يللّيِ مِن الخِلاّني... يَشكـو حَـرَّة  لَهيـبْ
 
 
مِتْصَوِّبْ أوْ وَلْهَاني... مِن صَدَّاتْ  الحَبيـبْ
 
 
والّلي بِه مُولِعاَني.. يَا مَانَـعْ أوْ iiصُويـبْ
 
 
يعِلك لِه الكَسْبَاني... اوْ تحِضا بهِ عَن قريبْ
 

 

 

 

حـيّ جـيلٍ يـا بِلَمْثَالي

 

 
 
حيّ جيلٍ يا بِلَمْثَالي .... عند شهمٍ شَخَّـصْ أوصوفَـه
 
طرّزه اوْ عنّاه في الحالي.... من ذَهَبْ وِمْزيِّن  حْروفَه
 
بان ليِ فِي فَسْره أمْسَالي.... لِلْهِوىَ اوْ مَعْناه وِصْرُوفَه
 
الغشيم ايتابع الّلالِـي.... يقصـده وِيْوَاجِـهْ احْسُوْفَـه
 
والخبير إيْجِسّ لحوالي.... قَبلْ لا يعنـي لَهَـا ابْلوفَـه
 
ما يِبِدِّه صُوعْ وأهْوَالِي.... يِفْهَمْ الواقع مـن ايشوفـه
 
الملامح تَلْفِتْ البالـي .... لِلنِّبِيْـه اْتكـون  معروفَـه
 
ايْشَخِّصْ الأَشْيَا ولا يْسَالي.... حَذِر عن لا تِلْحَقَه حُوْفَه
 
لِلْمَحَبِّة طِرْقٍ اطْوالي.... عَدْلـةٍ والبعـض  مَحْرُوفَـهْ
 
تقصد اَلاْشَواقْ جِهّالي .... طامِسْ الاعلامْ مَـا تْلُوفَـه
 
لو اتْجِدّ أوتْبغي اتْنالـي .... لَغْلِبّيِـه إِتْخَسِـر شُوْفَـه
 
للمودّة وَصِفْ ينقالي.... مَا يْغَتِر عَـارِفْ وَلاَ ايْطُوفْـه
 
بشّةٍ من خاطر الغالي .... تنبني الغالين مَـا  صُوفَـه
 
الهوى ما فيه مِتْعَالي .... بيـن لِمْحِبِّيـن  مَنْصُوفَـه 
 

 
رد رئيس الدولة على
الشاعر حمد بن خليفة أبو شهاب

عِنْصرْ أوْ جُوُدْ

 

 
 
حيّ ابْجِوَابٍ يا: وْمَعْدود... من شاعـرٍ لـه فَـنّْ عـادات
 
نَظْمَهْ شَرَاتْ الدِّر مشْهود... فِي مِنْ ايْعُوقَه فِي  الامـارات
 
مَشْغُوفْ مِنْ صَافِيينْ لِخْدود... يَللّي لِهُمْ في اْلخَـدّ  دَقَّـات
 
يَلَّلي نِسَمْهُمْ نَفْحِةْ اْلعُـود... يِحْيُـون ويْمِيتـون ساعـات
 
والوقت مَعْهُمْ جَنِّةْ اخْلود... في مِنْتَهى إنْـسْ أوْشَراغَـات
 
لو هو بِعيْدٍ مَعكْ موجود... قَلْبِـكْ أوقَلْبَـهْ قَيَّـلْ أوْ بـات
 
الوقت عنده هُوبْ بمعدود... واِنْ مَرّ عنده هَبْ  خِسَـارَات
 
عَسَاكْ تِتْهَنّا أوْله اتعود... ويبِـشّ لِـكْ قَلْبَـه  ابْراَحَـات
 
وِيْصَافِحِكْ بَاحْلا : مِ لِخدود... من مِبْسَمٍ زَاهِـي  ابْدَانـات
 
بو شْهَابْ مَعْنَا عِنْصرْ أوْ جُود... بَارِزْ وواضِحْ في الإمارات
 
يلْزَمْ عَلَيْنَـا حَقَّـه اردود... يَللَّـي يِنظِّـمْ حِلْـو  لابْيَـاتْ 
 

يــا عويد البان
 
 
يا عويد البـان يـا خلـي "" يا فريد الحسـن باخوانـه
 
روف بي يا كامـل الدلـي "" لا تعـذب نفـس ولهانـه
 
غيركم يا زين انا من لـي "" منتقنك "م " الغـزر دانـه
 
معك عفت الخود بالكلـي  "" ماليه في غيركـم  خانـه
 
انت شمسي و انت لي ظلي "" و انت لي تسحرني  اعيانه
 
عين خشف الريم لمفلـي  "" و الخدود ورود باغصانـه
 
والخشم كالسيف منسلـي ""والشفايـا حمـر  رويانـه
 
أتلـع والجيـد متعـلـي  "" والشعر طايح على  امتانه
 
يا بديع الحسـن لا تخلـي "" في هواك الروح  شفقانـه
 
شوفني "م" الحب معتلـي  "" عاكف "ع" لشعر  واوزانه

 

الامـــــطار

 

 
 
يالسيد اثره العيـد عيديـن "" وثالث اعياد الـدر لمطـار
 
والغيث عود بعـد سنتيـن "" واتباشروا به الناس  والدار
 
مالت له اغصان البساتين  "" والزهر يانـع  والحياثـار
 
وانشـم بنـات الرياحيـن "" الوطير غني فوق  الاشجار
 
حتى الغضي لي كامل الزين "" راتع ويلعب بين  الازهـار
 
خذ "م " الهايا جيد وعيـن  "" وم الليل ماخذ شعر واقمار
 
فايق على كـل المزاييـن  "" له في سويدا خاطـري دار
 
حبه في قلبي عايش سنين  "" ما يختلف لو صار ما صار
 

 

برخــص الغالي على شانك

 

 

 
 
مرحبـا مليـار بقبالـك "" يا سفر داري و  الاوطاني
 
يا سعادة من لفـى دارك "" إلانالي بي الـوزا  بانـي
 
برخص الغالي على شانك "" لا تخلـي حاليـه حانـي
 
خذنيه بالروف و احسانك "" و انصفينيه منك بوزانـي
 
إسلبتني نظـرة اعيانـك  "" و حت نومي ذار ما جاني
 
هان ربي كل من هانك ط "" يا بصيري و مقلة اعياني
 
عز لي صورك باحسانك  "" فرد مالـك واحـد ثانـي
 
بالجمال و منطق لسانـك "" صورك من حور  لجناني
 
يك والجيون بها صانـك  "" والمباسم ورد  والوانـي

 

 

صوتِك الموُسِيقْ بالهاتِفُ لِفانِي

 

 
 
صوتِك الموسِيقْ بالهاتِف  لِفانـي"" أوْ صْوَيْت الرّاعبي في الْموُسِمِيّة
ياِ ثليِِل العين لَيْ صُوتِك  سِبَانـي"" ياعِويدالموزفـي بَكـسٍ غِنِيِـهّ
يا خِفِيف الروُح يا سِيْد  الغِوانـي""بيـن كِـلّ  الخُودفايِزبالمِـزِيِـهّ
السِّجايا اُوْخَاِطرٍ لِـك  مِرْحَبانـي""والحَلاه في الطّبع والنَّفْس  الزّكِيِهّ
طَيِفكْ الشَّفَّافْ في نُومي  ظِوانـي""ما يفارجني صِبـاحْ اوْلاَ  مِسِيِـهّ
كامِلْ الأوصَاف في فِكري اوْذِهاني""أنتِظِر شُوفِك كما عِيـد الِضّحِيّـه
وِانْ سَأَلت اليُوم يا مانع إشيانـي""أنَّي المِشتاق الْ حِلْـو  الِسّجِيّـهِ
بي اِفراق الخِلّ لي حِبّـهِ كِوانـي""قَبِل لا اشُوفَهْ في حِلّـهِ أو  زِيّـهِ
لي سِكَنْ في اليُوف وامشَيِّدِ مَباني"" أوْ حَاطِها بأَسْوار في قَلبي  عِليِّه
ذاك يللَّي بي اوسَجَّلْتِه أوْ  عَانـي""للِحبيـب إِمسَلِّـمٍ وادّيِ  التّحِيِّـه

 

إِنتْ فَاهِمُ كِلُ دَعُوَايِهُ

 

 
 
صَاِفنيِ يا اصْخّيِفْ الخدّي""يا حِسِين اللُّون  وِالْهَايِهْ
ما صِفْيتْ إلْغَيْرِكُمْ حَـدّي""يا شِفَا روحي ومَنْوَايِـهْ
مَا لْجِسْمِي غيرك امغذّي""وانْت فَاِهْم كِلْ  دَعْوَايِـهْ
انْ نِظَرتْ بنظره اْتَسّـدي""ذيك كَيفتيـه  ومعنايـه

 

 

يَا خَفيفُ الرُّوحُ كيف اُنُتوا

 

 

 
 
يا خفيف الرّوح جيف انتوا""يا شِفاقلبي مِنْ  اعْوَاقَـه
ارحمونـي لوتِكَرَّمْـتـوا""بالوصل وَانَامن  اشْفَاقَـه
مَْرّ وَقْتٍ لِـيْ ولا  بِنْتُـوا""أنْتِظِرمِنْ طَـوَّلْ  افْراقَـه
ارحموا ذاالرّوح لا هِنْتـوا""لَي لِكُمْ بالشُّـوق تَوّاقَـه
مَا زِهَا لِيَ وقتْ لَو  مَنْتُوا""إنْتْ سِعْدالقلب  وَاشْراَقَـه
انتوا اللَّي بِـي  تِمَلّكتـوا""بالِرّضَا والِطّيب وَاخْلاَقَـه
ارْحِموا مِنْ به  تِحَكَّمْتـوا""من جفاه النّوم مَا  ذَاقَـه
في سويدا القلـب شَيَّتُّـوا""مَنِْزلٍ مـا حَدّْقََـدْ  فَاقَـه
بَخْفِيْ إمّاَ بـي اذا  عِتّـوا""لايِشيْع السَّـدّْ واشْوَاقَـه
الصّواب اللّي بِيِهْ صِبْتُـوا""عالجوها النَّفْسْ  مِعْتَاقَـه
غايـة امْنَايِـهْ اذاجدتـوا""بِعْدِكُمْ لِـيْ نَـارْ حَرّاقَـه

 

هلا بنور الفجر

 

 

 
 
هَلا ابْنوُرْ اْلفَجِرْ زَاحْ الظَّلاَمِي""هَلا بِهْ ألفْ تَرْحِيبه  أَوْحِيِّـه
هَلاَ بِهْ عَدّ مِزْنٍ في  غِمَامِي""وما هَبَّتْ نِسِيـمْ  اْلمِطْلِعِيّـهْ
أَقَدِّمْ لِهْ تحيّـاتْ أوْ سَلامـي""جِوابٍ يـوم بَـادَرْ بِالتّحِيِـهْ
فِهيمْ أوْيِفْهَمْ إلْ مَعْنَى  كَلامي""لِبيِبْ الْعُـودْ لَفْتاتِـهْ  ذِكِيّـهْ
مَعَاه إيتمّ إنْسِي  وانْسِجَامـي""إبْدُونِهْ حَاِلتي حَالِـهْ شِجِيّـه
وحبّي لِهْ تِسبَّبْ في غَرَامِـي""أَنَا رَاضِي أوْنَفْسِي لِهْ هِدِيِّـه
تِمَلَّكْنِي وْامَلَكْنِي  بالزِّمَامِـي""واَنَا سَلَّمْتْ لِهْ بْنَفْسٍ رِضِيّـهْ
فلا والله لَيْ مِثْلِـي ايْلامِـي""وفِعْل اْلخير ما يجزى  ابْسَيِّهْ
رَعَاكْ الله يا ظَبْي  اْلعَدَامـي""أَميرٍ واْلغِواني لِـكْ  رِعِيّـهْ
جِدِيرْ ابْكِلْ حِبّـي وِاحْتِرامـي""أوْ يَكْفِينِي مِتَى تِرْضَى عَلَيِّـهْ
 

 

بَيْنُونَهْ

 

 

 
 
يعـل نـوٍ بانـت امْـزونـه""يسجي الظَّفْـرَه أوْ  يَرْوِيهـا
لَيْن يِزْخَـر عِشِـبْ بَيْنُونِـه""والْغِـزر تَسْقِـي  سِوَاقِيهـا
والرَّمِلْ يَعْشِـب أوْ يِرْعُونِـه""واْلبـدو تَزْهِـي  مبانيـهـا
ويستجي مِ الغيث في  السُّونه""شَـرْقْ والوِدْيـان يَيْريـهـا
والجِبَـل تِدَّفّـق  اِرْكـونـه""وْيَمْلِـي اْلجِيْعَـانْ يارِيـهـا
واْلغِضِـي تِتْنَقَّـلْ اظْعـونـه""لَيْ اهْمُـومْ اْلقلـب يَشْفِيهـا
وِانْ عَرَضْ يَمْشي عَلى هُوْنِهْ""بِيْـس بالدِّنيـا وْمَـا  فِيْهَـا
هودَعَاهَا النّفـس  مَمْحونِـه""والطّبيـب اللَّـي  ايْشافيهـا
مِحْتَـرْم والنّـاس يِحْضُونِـه""لَـيْ وُصوفَـه نافِـلٍ فيهـا
نَطقِتـهْ وِانْ يَـاتْ مَوْزُوْنِـه""مِنْ صَخاوِةْ نَفْـسْ يَفْضِيهـا
وِاْلملاحَـه فِيـهْ مَكْنـونَـه""مِنْ لِبُوبْ اْلوَشِـيْ  يَكْسِيهـا
 

عِذَلْت نَفْسِي عَنْ هِوَاكُمْ

 

 
 
عِذَلْتْ نَفْسِي عَنْ هِوَاكُـمْ""واقْنَعْتِها بلّلي لِهُـمْ  قَـدّ
ضَافِينْ مَا صَاروا  شَرَاكُمْ""يَرْوُونْ وِلْهُمْ دُوْنِيهْ  حَـد
وَابْعَدت نَفْسِي عن  حِمَاكُمْ""ومن النّكاده رَيْت لِي  بـدّ
وَاخْلَصْت نَفْسِي مِنْ عَنَاكُمْ""وِاْليُومْ قَلْبي عَنْكُـمْ أَبْعَـد
في رَبْوَةٍ ما هـو حْذَاكُـمْ""في شَامِخٍ  أَخْضَرْوْيَسْنِـد
والشَّهْد أَشْرَبْ عِقِبْ مَاكُمْ""لَيْ مِدْحِنٍ مِكْدِرْ أوْمِسْـوَدّ
مرفوضْ عذرٍ مِنْ  جِدَاكُمْ""وْمَحَالْ نفسي صُوْبِكْ  اترد
هذا جوابي اْليُـومْ  يَاكُـمْ""وِاْلبَابْ عنكُم غِلْجْ  وِانْسَدّ
دِخَّانْ لَي كـدّر  سِمَاكُـمْ""مَا هُوبْ غيمٍ خيره  إيبـدّ
لَي عَاضِنِي هَبْ  مِسْتِواكُمْ""عَالِي مِقَامَهْ عِنْدِي أو  قَدّ
واخْلاقْ واطْبَاعَهْ عِدَاكُـمْ""جِيْونْ من الدّانَـاتْ يِِفنـد
 

آه يَا مِنْ وَنّ مِنْ حِدِّه

 

 
 
آه يَا مِنْ وَنّ مِنْ حِـدِّه""يَا سَعَادِةْ عِمرِي  الثّاني
إرحموني يا زجي  يَـدَّه""مِنْ مِوَدِّةْ جِسمِي الفَاني
اْلوِجَنْ كاْلوردْ  مِحْتَـدَّه""وِلخْدُود ابروقْ  زَفَّانِـي
وِاْلمَعنَّق مَا حَـلا قَـدّه""والثَّنَايَا حَـبّ  رِمانـي
واْلهدَبْ وِاْلعِينْ  مِسْوَدِّه""واْلمِدَامِعْ نُورِهَا جَانـي
اْلحِسِنْ والزِّينْ مَا  سَدِّه""في مَحَلّهْ أوْ يِتِركْ الثَّاني
كِلّ جِسْمِه م الحِسِنْ بَدِّه""مِن اْلحَلاَهْ ابْغِير مِيْزَاني
 

يِعِل يَسْقى يُوْمْ بَالاجي

 

 

 
 
يِعِلْ يِسْقَي يُـوْم  بَالاَجِـي""لَيْ اِيْسَلِّي اْلقَلْبْ  وِيْرِيحِـه
نَظْرِةٍ مِنْ شُوفَه  اِعْلاجِـي""يَنْعِشِ اْللّي نَفْسَه امْسيِحِـه
هُوْه لَيِ لِي فِي اْلحَشَا لاَجِي""فِيهْ مَااسْمَعْ قُوْلْ  نَصِّيحِـه
وْلاَعُيُونِي اْتخَايلِ  اْلبَاجِـيِ""اوْلاَالضَّحَلْ ليِ سَدَّه  ايْبيحِه
بُوعَيَـانٍ نِعَّـسْ ادْعَاجِـي""هُوْه لَيْ بَعْنِيـه وَآصِيحِـه
بـوُ ثَمـانٍ لُؤلُـؤٍ نَاجِـي""تِشْرَحْ الخَاطِـرْ  تَفَاريحِـه
لَيْ جَمَالَهْ فَاجْ لَي  فَاجِـي""لاَ وَلاَ في الحُور  تَمْريحِـه
 

 

إلى الشيخ محمد بن راشد

أَلا يَا مَرْحَبا حَيِّ بِنْفيحَهْ

 

 

 
 
أَلا يَـا مَرْحِبَـا حَـيّ ابْنفيـحـه""نسيم الشّرق لَيْ يَـابْ  اْلجَوابـي
هَلا بِهْ لَيْ عَرَفْ قاصِي  النّصيحه""كريـمْ الأَصِـلْ واجـدادٍ انْجَابـي
تمثَّـلْ لِـي ابْتماثيـلٍ  صحيحـه""وكِلْ مَا قَالْ لِـيْ فِيهَـا  صِوَابـي
ترَىَ في النّاسْ أجنـاسٍ شحيحـه""اتَّخيَّل لـك غديـرٍ مـن سَرَابـي
إيشوفون الأمور اللّـي  فسيحـه""ابْعينٍ حُوْلِهَـا ضـاق  الرِّحابـي
فهيـمٍ لِلْمَـلامِـح  وِالقريـحـه""وَلا يخفاك خاطِـيْ اوْلا  صوابـي
ولو رَوُّوك ضِحْضَـاحٍ أو شِيحـه""فلا يَغْرِيـك مِـنْ لِـكْ  باينابـي
لأنِّك من هَـل الْجـزْلا الفصيحـه""عِريبْ اْلعِربْ عَالِيـن  ظالجنابـي
شكيت امن الهوى حرّه  أوْلفيحـه""وانته ابْشوق مَنْسـوع  الرِّقابـي
خفيف الرّوح والنّفـس  المليحـه""يِسلّـي مـن ابْقلبـه  لِكْتِئَـابِـي
عزيب الرّيم فـي قَفْـرَه  نزيحـه""وعين الحِرّ لَيْ فـي راسْ  نابـي
له الصَّقّارْ لو يَرْضِـف  ابْصَيْحِـه""غنيّ النّفـس مـا حَـدّه أوْيَابـي
عجيد اليازيـات اللّـي  سريحـه""رَعَى عِشبْ الشِّوامِخ في  الرّوابي
سقـا الله دارهـا يُـودٍ نضيحـه""كسى لِمْغيـبْ وِيسَـوّي احْيَابـي
وعود المـوز والشَّرْتَـا  لِفيحـه""هضيم الكشح لَيْ زَيْنـه اعجابـي
يصوِّب في الهوى أو يَشْفِى جريحه""إيْعَالِـجْ مـن يصيبـه بَلْحَرابـي
محبّك لَيْ بشوشْ وْلِـك نصيحـه""وبَيَّنْ لك خِفَا مـا صـار  غابـي
تخيَّر لـه طريجـه لَـيْ تريحـه""وعن العذّال سِرْبـه فـي تِغَابـي
ختمت الجيـل بَابْيَـاتٍ  صريحـه""جـدا شَهْـمٍ فِهِـيْـمٍ للْجِـوابـي

 

 

دوا المصطاب

 

 

 
 
حي نود هـب لـه  لفحـه""ارق اعيونـي بـلا حيـاده
عند يللـي نظرتـه  فلحـه""من نظرهـا حـرم ارقـاده
من جداهم نفسـي شرحـه""صـوب غيـره مالـي راده
هو دوا المصطاب من جرحه""ومن يصيد اللي  بيصطـاده
لـي لفيتـه زادت الفرحـه""ويشتفي قلبي مـن ايهـاده
من سلوكه او نفسه المرحه""ماستطيع ابعد عـن ابـلاده
الملاحـه فيـك  منشرحـه""ضافيه واكثر مـن  العـاده
يا سعادة قلبـي او  فرحـه""انت لـي مفنـود  بالسـاده
عيد يوم اشوف لك  لمحـه""والحشى عازل عن  انهـاده
رغبتي من وصلك  املحـه""فوق مـا تتصـور ازيـاده
لك محيـا بهجتـه سمحـه""ما تحمـل لحظـة  ابعـاده
يود يسجـي دارك  البرحـه""نبـت عشـبـه زاد  رواده
الحضر والبدو بـه  مرحـه""بالوطـاه وعالـي  انفـاده

 

يَا نِجِيّ الدِّرّ لَيْ صَافِي

 

 

 

 
 
يَا نِجِيّ الدِّرّ لَـيْ  صَافِـي""لَي جِنِيْ مِنْ لِجَّةِ  ابْحـورَهْ
فيِكْ حِسْنٍ وَافي أو ضافـي""مَرّ وَقْتٍ لِـيْ وَانَـا  دُوْرَهْ
يُوْم رَيْتِكْ عِنْـد لاَشْرافـي""فَرْحِتي بِكْ مَالِهَـا صُـوْرَهْ
اْلخِصِر والزَّيْن لَيْ  وَافـي""مِنْك ياخِذْ ذا اْلبَـدِر نُـوْرَهْ
لُوْ بَشَخِّصْ فِيك لاوْصَافـي""ما احْتِوَيتْ اْلحِسِنْ وامْهُوْرَهْ
لِكْ عَيَانٍ نِعْـس لاطْرَافـي""حُورْ بين اْلغِيـد مَشْهُـورَه
وِانْ وِطَيتْ الأرْض لُوْ لافِي""إعْشِبَتْ بِاْلوَردْ  وِازْهُـوْرَهْ
لِكْ مِوَدِّه بَاطِـنٍ أو خَافِـي""عَنْ حِسُودٍ يَلْتِمِحْ  صُـوْرَهْ
 

يا سلامي على صباكم

 

 

 
 
يا نسيم هـب  جدواكـم""أسهر اعيوني بطاريكـم
ما سخيت انا  ابفرقاكـم""فرحتي ساعـة الاقيكـم
تبتهج نفسـي بروياكـم""من مزايا تتلقـي فيكـم
مثل ما تهوون نهواكـم""يعـل تحقـق مناويكـم
يا عجيد اريوم  ندراكـم""يعل رب العرش  يحميكم
كل ما حاولت  بنساكـم""عادت الذكرى  تناجيكـم
ميزة في اسلوب  معناكم""والملاحة ضافية  فيكـم
ما وجدت انسان شرواكم""فاضل ابضافي معانيكـم
تطمعون اللي بينصاكـم""بالجمال ومن مواريكـم
ليت من هالشح  هوياكم""تلهفون اللـي  بيعنيكـم
ما تبده غيـر  روياكـم""لو حريص انه يوافيكـم
يا سلام الله علىاصباكم""عزة في النفس تحميكـم
 

تغرودة سمو الشيخ زايد رئيس الدولة
إلى الشيخ محمد بن راشد

عِزّكُم بيْعِزّنا كِلِّنا

 

 
 
مرحبَا ابْلَيْ رَحَّبْ أوْثَنـاّ""لاحْتَرامٍ لِهْ نحـن جيْنـا
وَاجِبْ أنْقَـدِّر أوْ  نتْعَنّـا""لِلنِّسَبْ لَيْ مِنّا أوْ  فِينـا
عِزّكـم بَيْعِزِّنَـا كِلْـنـا""وقـوّةٍ لَجْيَـاْل أهَالينـا
وْشَعْبِكُمْ هَلْنَا أوْ عِشيرتنا""ولـي إيوفِّيكـم إيوفّينـا
وسَبْقِكُمْ يا شيخ  يَمْحِنّـا""واْلمِشَارَكْ لَيْ  إيِسَلّينـا
مَرّةٍ مَـرَّهْ تكـون إلْنَـا""ومـرّةٍ مِنْكُـمْ تِجَافينـا
نَهْضِةٍ مِنْكم أوْ هِي مِنّـا""نِحْيِي الحاضِر إلْماضينـا
سَجَّل التّاريـخ  واْلفَنَّـا""مَهْرجان إلْهِينْ  يشفينـا
عيدكم مَحْسُوبْ عِيدْ  إلْنَا""والشّعُوب اللّي  اتْوالِيْنَـا
يعل يُودْ السِّحِبْ  لِمْدِنّـا""يروي الدّوله  أومفالينـا
وَفّقَ الله حِسِنْ  سِيْرَتْنَـا""وْيعِلْ رَبّ العَرش  يَحْمينَا
 

 

رد رئيس الدولة على
الشاعر عبدالله بن شيبان

بِنْ عَليْ أَرْسَلْتْ لكْ عَاني

 

 
 
حَيّ جيلٍ يَـا لِنَـا  عانـي""من صُويبٍ يبْغِـي اْلعُونِـه
سَامْعِينه ابْسـرّ وِعلانـي""ونرتجي له حَظّ  وامْعُونِـه
عِنْد مَضْنُوْنِهْ  بِاَلاحْسَانـي""واحترامْ أوْعَطْفْ  يَدْعُونِـه
بِنْ عَلي أرْسَلت لَك عانِـي""يُوم رَيْتْ الجيل  مَظْمُونِـه
إحتِرمْهُمْ لَيْ لِهُـمْ شانـي""والهَوى له شَرْط يِرْعُونِـه
شَرْط واحدْ دُونْ لِه  ثانـي""يْكتم إمَّا بِـه وَلا  يْخُونِـه
لو تَشُوف ابْحالِك اوْهَانـي""في الهَوى إصْبر وْلِك عُونِه
 

 

رد رئيس الدولة على
الشاعر حمد بن سوقات

كِنْتْ لَوَّلْ تِلْعِيِ اِبْصُوتِكْ

 

 

 
 
يا حَمَد كَيْف اخْتِفى صُوتِك""عِقِبْ مَا انْتَه تِسْجَع اِْلوَنِّه
واْلمزامِلْ قَامَتْ  اتْفوتِـك""وِالهَوى تَرّكْتَـهْ أوْ فَنِّـه
كِنْتْ لَوَّلْ تِلْعِيِ  اِبْصُوتِـكْ""في طَرَبْ وِالـوِدّ هَاوِنِّـه
خَايِفْ أنّ السَّعْد  بيفُوتِـك""والزَّهَر ما تِخْضَعَه  فَنـهِّ
عَجِّل ابْجدِّكْ  وُمَجْهُـودِك""جان دَرْبِ الـوُدّ  مِتْلِنّـه
إلْمَها مَرَّنْ عَلى اوْرُودِكْ ""والرِّيُومْ اللِّي لِهِـنْ بَنِّـه
يِرْتعِنْ فِي خَطْرِةْ  احْدُودِكْ""يَنْهِلِـن وايْعِلِّـنْ ابْسَنِّـه
لا تْحَرِّمْ نَفْسَـكَ أو ذُوْدِك""أوْ لا تْخَلِّي اْلقَلْبْ في هَنِّه
 

رد رئيس الدولة على
الشاعر عبدالله بن شيبان

لا يِغِرّكْ لَيْ بالأَلوَاني

 

 
 
بِنْ عَلي تشْكُو أوْلِي عَاني""ويْعِتِك مِنْ لَيْ زَها لُونِـه
بُو حَواجِبْ سُودْ واقْرانـي""صَعْبْ وَصْلَه والوَعَر دُونِه
لا يِغِرِّكْ لَـي  بِاْلالْوَانـي""ابْصِبغ واْلمكْيَاج يِطْلُونِـه
والمَلاحَه لَي لَها  شَانـي""في مَعادِنْها أُو  مَصْيُونِـه
إنْظِر الغَـوَّاص شِيْعانـي""في حُصُولْ الدِّرْ وِوْزُونِـه
في لِجِيج اْلبَحَر  وِايْعَانِـي""يَقضِي الأَيَّـام  والسُّونِـه
بِه ايْنال إيِّيـكَ  فَرْحَانـي""أوبِه اتعوزِه نَظْرِة اللّونِـه
حَبّة اْلجِيْون لَهـا شَانـي"" بِنْ عَلي إِصْبر ولِك عُونَه
كَمْ مِثْلَك صِوِّبِ  إنْسانـي"" من قَبِل والآن  يَطْرُونـه

 

رَد رئيس الدّولة عَلى
الشاعر محمَّد بن سُلطان الدرمَكي

يَابو جسيم الوقتْ مَافَات

 

 

 
 
يا شُوقْ حِلْوِينٍ أو  زَيْنَـات""شَهْـمٍ ولَـك مِيـزَه نجيّـهِ
لاْ تسيِّـعْ الوَنِّـه ابْعَبْـرَات""أوْلا تكُون في فِكَـره قويِّـه
يَا بُو جسيم الوقتْ مَا فَـات""بَنْسِير بَـك سَيـرِه  هَنيِّـه
غَيِّه وفيِها مْن  الشّرَاَغـات""اطيُـورْ سِرْعَـاتٍ  وِحِيّـهِ
متعَلّمَاتْ الصّيد فَي  اوْقَـات""ومـدَرّبـاتٍ  بالـسِّـوِيّـه
مَا شيْ شَرَدْ عَنْهِنْ ولاَ فَات""صَقَّارِهِـنْ نَفْسَـه  رِهِيّـهِ
مَا يْتـمّْ يِعَـزا كـلّْ ثَبَّـات""لِـي يَلَّعـت لَـه  لَوِّلِـيِّـه
في الطَّردْ مَا يَعْطِي مسَافاَت ""يِلْحَقْ اوْلِه ضَرْبَـه  قِوِيِّـه
لَي فيِ الخَلا رَاعِيه مَا  بَات""وْلاَ صَوَّعْ الرَّبْع اوْ  خِوِيِّـه
لَي لِه مَعَ طَرْدِه  مصَابَـات""يشْلَـع ثَنَـادُ وهـا طِرِيِّـه
يَاَ ما نِزَلْ مْن الدَّمْ  قَطْـرات""منْ ضَربْ كفِّه في  اضْحَويِّه
وارْبوُعْنَا امثَالْهُـم  امْيَـات""شِبّـانْ وانْفُسهُـم زِكِـيِّـه
لَيِ للِْخِوِي مَعْهـم  مزيَّـات""حِشْمِهْ ومْـدَراةْ اوْ  حِمِيّـهِ
 

رد رئيس الدولة على الدكتور مانع سعيد العتيبة

هـات الـقلم بكتب من القلب تعبير

 

 

 
 
هات القلم بكتب من القلـب  تعبيـر""رداً على شاعرٍ من الحب  مصطـاب
يهلاّهلا به عـد مـا لعلـع الطيـر""للود غّنا واعتـلا ابـراس  مرقـاب
اعداد رعـد دن مـع بـرقٍ  اينيـر""اضحى اوامسى ايسوق وسم السحاب
اسقى شمالٍ مع جنـوب المحاضيـر""في الشرق سالت منه وديان وشعاب
حي به نديمي صاحب الجود والخيـر""شاعر شكى لي من صدى الود منذاب
شطه غزالٍ كامل الزيـن  واصغيـر""سنـه اوشوفـه للمخاليـج جـذّاب
عنقه كما عنق الدمانـي يلـي ذيـر""شم العرب يافـل متـى هَّـب دولاب
والعين له عين المها وقت  لعصيـر""ذاير من القنّيص في قـاع مسحـاب
هـذاك لـي يلعيـه مانـع ابتأثيـر""من زود ودِّه عـن وداده فـلا تـاب
يبشر ابفزعتنـا علـى كـل تقديـر""دكتورنا الشاعر عسى الوقت له طاب

 

حيّ بنسيم الشَّرقِ لِمْريفْ

 

 
 
حي بنسيم الشَّرقِ لِمْريفْ ..... لي نَفْحِتَهْ نَرْجِـسْ iاوْ  مَشْمُـوم
 
رَحَّبْتْ بِهْ واصْبَحْت في iiكَيْف ..... مِنّي أوْزالَـتْ كِـلّْ iالِهْمُـوم
 
بَنْشِدك لَيْ مرّيت يا iiرِيْف ..... داره عسـى تِكْفَـا مِـن اللُّـوم
 
هَاتْ الخبر من دوُن تَكْلِيـف ..... يَالْمِطْلِعـي بِاْلخِبـر  مَلـزوم
 
عن صاحبي عَذْب iiالمراهيف ..... شَرْهٍ يداري رَمْسِـةْ  اللُّـوم
 
إيزِيْن لَيْ فيه iiالتَّواصِيـف ..... رِيْـمٍ رَعـى مَنْبُـوتْ لِحْـزُوم
 
عَيْنْ لِوْضَيحِيْ في iiمكافيف ..... لـو لا لِبَـاسْ الـدِّلْ وِخْتُـوم
 
لِه مِن حِسِنْ يُوسف iiتواصِيف ..... وِانْ صَدّْ زاد امْحِبّه اهمُـوم
 
شِرْواتْ مِنْ مَرَّوا iiمناكيف ..... رَبْعَهْ وْصَـار ابحـوزة iالقـوم
 
وِانْ عَادْ لِه في ارْضَاه iiتَشْرِيف ..... فَرْحِةْ امْعَيِّد مِنْ عِقِبْ صُوم
 
لِمْحِبّْ لَيْ لِهْ قَلْبْ iiهَزِّيف ..... وصاب الغضي مَدْقُوقْ  لوْشُـوم
 
وِايْشَوِّجِه لَعَّايِـةْ iiالصّْيـف ..... وَرْقـا تِعَلَّـتْ راس  مَزْمُـوم
 
وِحْمايِـمٍ فـي فَـنٍّ iiامْنيـف ..... إتوقِّـظ العشّـاق مِ النُّـوم
 
وانْ زَارِنِي لِهْ فيِ اْلكَرى طَيْف .....أسْعَد ولوفي لَحْظِـةْ  احْلـوم
 
عَسَنّ بَـرْقٍ بـات رَفّيـف ..... مِزْنِـه كَسـا لِمْغيـب بِـرْدوم
 
وَسْمِي ايْسُوقَهْ بارد الرِّيـف ..... بـه مرعـد دنـان  وغيـوم
 

 

حِبّـنَا مِتْوازِنْ ارْكُونَا

 

 

 
 
إِنْ هِوَيْتُونَـا هِويْناكُـم ... وْبَنْتِصَبَّـرْ لَـيْ  جِفَيْتـونـا
 
مَا عَرَفنا اْليـاسِ وِيّاكُـم ... وِيـنْ بَتسيـرونْ تِلقونَـا
 
مستحيلْ إنْ كَان نِنْساكُـم... لـو تِقَصَّدْتـوا  تِهَجْرونـا
 
نِهْجِر الدّنيا بِليّاكُـم ... دونِكُـم عمـري فـلا  ايْكونـا
 
نِرْخص اْلغَالِي إلْعيناكم ... وكـلّ صَعْـبٍ إلكُـمْ إيْهونـا
 
في الصَّحَا والنّوم نِنْصاكُم ... لا تِسِدّوا الدَّرْبْ من  دونـا
 
وفي الحشا والقلب سكناكم ... امشيّداتْ اقْصوْر وِاحْصونا
 
نُورْ ياضي مِنْ مَحَيّاكُم ... مِثل نور الصّبح فِـي اْلكونَـا
 
إنْفَرَدْتُوا فـي سِجَاياكُـم ... نادِرِيْـنْ الحِسْـن واللّونـا
 
لـوْ حِسَبْناهـا مِزاياكُـم ... يُوصَـل التِّعـدادْ  مِليُونـا
 
شَافْ شَرْع الحبّ دَعْواكُم ... واْلهوى له شَرعْ  مَضْمُونا
 
عادلٍ لوْ كَان يدْراكُـم ... ياْلغِضـي لَـيْ دوم  مَزْبونـا
 
وإنْ طَلَبْتونا عِطيناكُـم ... وبـا انْزيّـد إلْكُـمْ  أوزونـا
 
لوْ أخذتوُا الـزّود يِفْداكُـم ... حِبّنـا مِتْـوازِنْ  اِرْكُونـا

 

التحمته حزت المغرب

 

 
 
إلْتِمْحْتِه حَزّت اْلمَغْرِبْ ... خَشِفْ رِيمٍ زاهِـي  ابْطِيْبِـه
 
صُوْتْ لَحْنِه شيِّقٍ يطْرِب ... باللّطافَه أوْ زَيْن  تَرْتيبَـه
 
مِنْ صِوابِي قَلبي اتْعَذَّب ... كيف ذا اْلمحبُوب  أسوِّيبـه
 
لَيْ أوصُوفَهْ بِاْلحِسِنْ تِنْهَبْ ... نَظْرِتِه يا مانِع عْجيبـه
 
رِمْشْ عِينَهْ كالسّهَمْ َضْرِبْ ... هُوْهْ لَي ايْعَالِجْ تصاوِيَبه
 
لَيْ وِدَاده يَاْلخِوِي مِتْعِبْ ... دُوْمْ نَفْسي فـي مِطَالِيبَـه
 
مِطْلَبَه بَيْهُونْ لُو يِصْعَبْ ... مِنْعزِلْ رِدْفِهْ عن  الحِيْبِـه
 
مِبْعِدٍ عَنّي ولوْ يِقْرَب ... فِـي نَظِرْتِـه يَبْـدِي اْلهيْبِـه
 
هُو غِذا للنّفس لو يِنْهَبْ ... خاضِعٍ لاَمْرَه  وْتِصاوِيبَـه
 
يعْل دَاره من اْلمِزِنْ تِشْرَبْ ... غيثْ مِ اْلمعبُود يَضْفِيْبِه
 
والجفاف امْن اْلبَلد يِذْهَبْ ... واْلمِياه اتْفيض في اشْعِيْبِه
 
واْلغِضِي مِنْ مَنْظَرَهْ يِطْرَبْ ... وكلِّها اْلجِيعَانْ تَغْنِي  بِه
 

 

ردود وشكايا رئيس الدولة مع الدكتور مانع سعيد العتيبة
حي بجوابٍ مِنْ فِطينْ

 

 
 
حيّ ابجوابٍ من فِطِينْ ...... مِشْتـاق لِلْخِـلّ  اْلحنـون
 
يَلْعِي عليهم من سنين ...... كودْ أوْ عساهم  يرحمـون
 
قبل الشِّقَا اوْ عوقه ايْبين ...... به روف يا عالي الزّبون
 
عنده لكم قَدْرٍ ثِمين ...... وْتِرْجَـحْ لكـم عنـده أوزون
 
دكتورنا يا: يستعين ...... فـي شفِّكـم وشُّـو  تِبُـون
 
واحْنَا الِّذي له ثايبين ...... في الشَّفّ كِلْ شَيْ لِهْ  ايْهون
 
عَادَاتْ عند الأوِّلِين ...... لَيْ مـن عِزوُهِـم يَفْزِعُـون
 
إرحم غريمك يا حِسِين ...... وخَلّك من اللّي يَرْحِمُـون
 
لا تَسْتِوي مالجاسِييْن ...... وتِلْحِجْ امْحبِّـك زُودْ هُـونْ
 
أنا أو مانع عارفيـن ...... الحِـبّ لـه مَعْنَـا  فنُـون
 
نخفي صِفاتِهْ لا تْبِين ...... عن مُوْشيْ أوْ شَرّ  العيـون

 

 

حَـيّ جـيلٍ يَـا مـن مْشقّا

 

 
 
حَيّ جيلٍ يَا من مْشقّا .... صَعـبْ مِطلـب خاطـره فوقـي
 
في خياله راد يتنقّا .... لي اوْصوله ايْعـوق لَـي ايْعوقـي
 
حاول ابْحيلك ولو تِرْقَا .... في وَعَرْ صَعْبٍ بـلا  اطْروقـي
 
والصّبر مرٍّ شرى العلقا .... مـا ايْـوازَ: طَيَّـح  النُّوقـي
 
لَيْ فِحِمت ارْجَعْ وَلا تِرْقا .... قِرّ فِـيْ أرضٍ بهـا اتْفوقـي
 
بالتَّأنِّي خَيْر بَا تِلْقا .... طِيـعْ رَايـي أوْخَفِّـضْ  الشُّوقـي
 
عِقِبْ مَا انْتِه اتْوايِبْ اْلوَرْقَا .... في اْلعَلاوي أوْ طَلْعِك ابْتوقي
 
يِعِلْ وَقْتِكْ زَين في الشّرقا .... مَعْ ارْيومْ اطـوال  لِعْنُوقـي
 
لَيْ يحَاتِّنِك من اْلفَرْقـا .... وْلِـكْ يِسِيـرنْ دوم  بِرْفُوقـي
 
ويحتويك الزّين لك يِبْقى ....وْيَشْتِفي حالـك مـن اْلعُوقِـي
 

 

 

 
شاقِني في الجيل معناكم ... نوعْ شكله زَينْ وِفنونِه
الهوى ما طاب لولاكم ... وْلا استقام أوشيّد  اركونِه
من مذاهبكم ونَجْواكم ... ينتعش ويكون له  عونِـه
يا بَخَتْ من حَلّ فِ احْماكم ... يكتسب من فنّكم لونه
عَزّ مَنْ بالحِسِنْ سوّاكم ... بالجمال وحُوَر لِعيونِـه
نُوْر بَازِغْ في مْحيّاكم ... يا ثقيل الـرّوز وِوْزُوْنِـه
جيدْ رِيمْ أو خدّ حَلاّكم ... من شراته خِلجْ في الكونه
ما عِنَيتْ الجيل جدواكم ... لو من السّاير  تِعِدّونـه
كاْلحِصَابي يوم نلقاكم ... جِيونٍ فاخر أوْ مَضْمُونـه
ما خِلجْ مزيون شرواكم ... لا ولا في العالم  ايْكونه
وان سألتوا وين مِيراكم ... في سويدا قَلْبِي اسْكونه
 

 

الشيخ زايد بن سلطان مخاطبا ابنه سلطان: آه ياويلي من تصاويبك

القائد الوالد الحنون بوخليفة الله يرحمه صاحب السمو الشيخ زايد بن سلطان آل نهيان رئيس الدولة رحمه الله وادخله فسيح جناته دخل يوما على ولده سلطان فرأى فلذة كبده وأحد أبنائه المفضلين مهموما حزينا استبدّ به الأسى وضاقت به الدنيا فأخذته لوعة الحب والحنان على ولده العزيز كيف لا وهو يذكر جيدا عندما سأل ابنه سلطان (كيف يا سلطان ما عندك ارض ولا مزرعة ولا بناية) فرد سلطان (يكفيني انك ابويه)،.،



فسطّر بو خليفة هذه الكلمات بمقدار من الحنان والحب لو وزّع على أهل الدنيا لوسعتهم فقال:




آه يا ويلي مـن تصاويبـك :: في عيوني بانـت اسبابـك


لي سهيـت أتـم اهاذيبـك :: و لا غفت عينـي تسادابـك


لي سمعت النـاس تهذيبـك :: احيت عروقي من اطيابـك


في نظـر عينـي اداريبـك :: فوق نجم سهيـل مسحابـك


القمر و الليل يوحي بـك:: و النسيم الجذي غنّـى بـك


و البدر لي لاح يسدى بـك :: و الوصف يدني من اصوابك


وانته إللي شاحنـي طيبـك :: في فؤادي فتحـت ابوابـك


طايحه روحـي لمطاليبـك:: مغـرم هـاوي و طلاّبـك


هايـم وابحـث و اناديبـك:: واندب بحسرات و أعزابـك


ما يشافـي غيـر تطبيبـك:: يا بعد عمري من اعشابـك


غبت وانقطعـت مواريبـك :: وانته إللـي همنـي غيابـك


اعرف انـه سالـي قليبـك :: ولا تسطّر بعد في حسابـك


ليت ماعرفـك ولا ادريبـك :: ولا نظرت لبسمـة عذابـك


ولا مشيت بخطـى دريبـك :: ولا ريولي قربـت ترابـك


متى ومن كـم أعدّيبـك :: ما أستطيع عزم على غيابك


لكـن أنــا بالله طليـبـك :: والـذي خـلاّك لأحبابـك

شكرا